ብ2009 ዓ/ም ተመስሪቱ ሰፋሕቲ ስራሕቲ ዝሰርሕ ዝነበረ ኣንድል ንግድን ኢንዱስትሪን ሓላ/ዝተ ዉ/ማ ኣብ ኢንፖርት ኤክስፖርት ፣ ሆቴል፣ ሕርሻ፣ ማኒፋክቸሪንግን ካልኦትን ተዋፊሩ እናሰርሐ ዝፀንሐ ትካል እንትኸውን  ኣብ ከይዲ ፅቡቅ ዝበሃል ምዕባለ ዋላ እኳ እናምፀአ እንተነበረ  ክንድቲዝድለ ግን ኣይነበረን። ምኽኒያቱ ድማ እቲ  ትካል አብ ዝተፈላለዩ ዘርፍታት ተዋፊሩ ዝነበረ እንትኸውን እቶም ዘርፍታት  ነናይ ባዕሎም ምሕድራን ትልምን ብዘይ ምህላዎም  ምትሕውዋስን  ዘገምተኛ ዝኾነ ለውጥን  ካልኦት ፀገማትን  ምምፃእ ጀሚሮም እዮም።

ነዚ ችግር ዝተረድአ ናይ ትካል ሰብ ዋናን ኣመራርሓን እቶም ሓቝፉ ሒዝዎም ዝነበረ ዘርፍታት ናብ 6 ብምብትታን ካልኦት ሓደሽቲ ሸድሽተ ትካላት ክምስረቱ ብምግባር ነዚኦም ድማ ሓቝፉ ከማሓድር ዝኽእል ናይ ሆልዲንግ (ጥምረት) ትካል ስለዝኾነ ቶራ ሆልዲንግ ኩባንያ ዝብል ኩባንያ ንኽጣየሽ ኣብ ዉሳኔ ተበፂሑ እዩ። እዚ ትካል ኣብ ትግራይ  መቐለ ዋና ቤት ፅሕፈቱ  ዝገበረ ትካል እንትኸዉን ንትግራይ ናይ መጀመርያ ሆልዲንግ ኩባንያ እዩ።